နဖူးပေါ်က အမာရွတ်

ကျနော် ကျောင်းစတက်တဲ့ အရွယ်၊ ကျောင်းပိတ်တဲ့ ရက်တစ်ရက်မှာပေါ့။ ဖေတို့မေတို့က ဈေးသွား၊ အမ သုံးယောက်ထဲမှာ နှစ်ယောက်က လိုက်သွားတယ်။ ဈေးထဲမှာက အစုံစားလို့ရတယ်ဆိုတော့ လိုက်ကြတာပေါ့။ ဒုတိယမြောက်အမ ကတော့ ကျနော့်ကိုထိန်းဖို့ အိမ်မှာကျန်ခဲ့တယ်။ အဲဒီအချိန်မှာ ခေတ်စားနေတဲ့ ဇာတ်လမ်းက Superman I, II, III, IV လေ။ အရမ်းကြိုက်ခဲ့တာပေါ့ဗျာ။ လေထဲမှာ စွန့်စွန့်စားစားပျံသန်း၊ လူတွေကိုလိုက်ကယ် ရတဲ့ သူ့လိုမျိုး အရမ်းဖြစ်ချင်ခဲ့တာပေါ့။ အဲဒီနေ့ကလဲ ဘယ်ကနေ ဘယ်လို စိတ်ကူးပေါက်လာတယ် မသိပါဘူး၊ အမကိုပြောလိုက်တယ် "အမ နင်က ဓါးစာခံ လုပ်လို့၊ ငါက Superman လုပ်ပြီး နင့်ကို လာကယ်မယ်လို့။" အဲဒါက ဖေတို့မေတို့ ကုတင်ပေါ်မှာ ဆော့နေကြတာ၊ အမနဲ့ ။ အမကလဲ ကျနော် ပြောတဲ့ အတိုင်းဆော့ဖို့ သဘောတူလိုက်တဲ့နောက်မှာ ကျနော်က ဖေ့ပုဆိုးကိုယူ၊ လည်ပင်းမှာချည်ပြီးမှ ကုတင်ပေါ်လျှောက်ပြေးတော့တာပေါ့။ ပါးစပ်ကလဲ "Superman ! Superman !" လို့လဲ အော်ရင်းနဲ့ပေါ့။ နောက်တော့ ကျနော်လဲ နည်းနည်း အတင့်ရဲလာတယ် ကုတင်တိုင်ကို ကိုင်ပြီးမှ ဒီဘက်အစွန်းကနေ ဟိုဘက်အစွန်းကိုလွှဲလိုက်တယ်။ စစချင်းမှာပဲ ကုတင်တိုင်ကို ကိုင်ထားတဲ့ ကျနော့်လက် သေးသေးလေး လွှတ်ထွက်သွားတယ်။ နောက်တော့ သံမံတလင်းနဲ့ ကျနော့် နဖူးနဲ့ မိတ်ဆက်၊ ကျနော် နောက်ဆုံးမှတ်မိ လိုက်တာတော့ ပူနွေးနွေး၊ စေးထန်းထန်း သွေးတွေ။ အခု မယုံရင်လာကြည့် သုံးချက်ချုပ်ထားရတဲ့ အမာရွတ် ကျနော့်နဖူးမှာ ရှိတယ်။