ညတစ်ညကို သုံးသပ်ခြင်း

ပယင်းရောင်နဲ့ အဖြူရောင်
အရည်တချို့ ပေါင်းစပ်
အရှိန်အဟုန် တခုနဲ့
ငါ့ကိုယ်ထဲကို
ဒလဟော ......


ရှတတနဲ့ ခါးသက်သက်
အရသာတွေ ပေါင်းစပ်
အဆက်မပြတ် ထွက်ပေါ်လာတဲ့
ဒဏ်ရာတစ်ခုရဲ့
ချစ်သူတမ်းချင်း ......


ငွေနဲ့ ဂုဏ်
ထပ်ဆောင်းအရာတချို့ပေါင်းစပ်
မင်းရဲ့ အသည်းကွဲအိပ်မက်ကို
နောကျေနေအောင်
ငါ ......
သင်အံခဲ့ဖူးပါတယ် ချစ်သူ .....


နှလုံးသားနဲ့ ဦးနှောက်
ထပ်ဆောင်းအရာတချို့ပေါင်းစပ်
ပွင့်အံထွက်လာမယ့်
နှလုံးသွေးတွေကို ထိန်းချုပ်ရင်း
ငါကျေနပ်ခဲ့ရတယ်
(ဘာကိုမှ မတတ်နိုင်ခဲ့တာပဲလေ)


အသိုင်းအ၀ိုင်း နဲ့ဖိအား
ထပ်ဆောင်းအရာတချို့ပေါင်းစပ်
ကမ်းပျောက်တဲ့
ငါ့ရဲ့အချစ်တွေကို
တတ်သလောက်ပဲ့ကိုင်ရင်း
နေ့ခင်းဘက်မှာတောင်
အတင့်ရဲလာတတ်တဲ့
အိမ်မက်ဆိုးတွေကနေ
ငါ .......
လွတ်မြောက်ပါရစေတော့ ......